مهرجان كانسر الحب غنا ابو الشوق|كلمات المهرجان المنتظر بجنون كانسر الحب

كلمات كانسر الحب

اسمع قصه اتنين احباب كانو سكنين الباب فى الباب 

قالو لبعض نعيش ونكمل ايام فرح مفهاش عزاب

والبت سعاده الفرح فيها حبيبها معاها ديما جمبيها

والمرض جرى فى جسمها مسكينه ومين هيحتويها

صحبها كانو بيعيروها عرفو مرضها اتجنبوها

مبقتش تروح خالص جلستها جرحو مشاعرها دول كسروها

كرهت الحياه مش عايزه تعيش قالت للفرح روح متجيش

واحد وقع فى حبها وهى معاه نفسها تعيش

بكل قلبو وحبها ديما مقرب منها

رجعت عشانو تاخد جلستها ما اهو ميعرفش الى عندها

الدكتوره قالت دى كانت فين اربع شهور فات جلستين

المرض انتشر فى جسمها خلاص هتموت بعد اسبوعين

صحبها اتصلو بحبيبها قالولو حبيبتك تعبانه مرضوش يحكولو

ركب عربيتو وجرى بسرعه انقلبت بيه من كتر زهولو

الناس قوام اتلمت عليه حادثه كبيره الناس حوليه

وسعتها كانت الحادثه كبيره جالو تعب اتعمى فى عينيه

وعن حبيبتو ما يعرفش حاجه كفايا المرض الى فيه يا ساده

رحتلو المستشفى عشان تزورو ودموع عينيها جواها حبساها

اتكلمت معاه بكل برود ومن جواها دى كانت بتموت

مشوار حبنا لازم ننهيه طريق حبنا اخرو مسدود

افتكر انها بعته اوام وحبها شىء من الاوهام

عمل عمليه ونظرو رجع وقلبو ناوى ع الانتقام

اتصل بيها قالها قبلينى مستنييكى فى النادى وحشتينى

شافها جايه متغيره قالها مالك بقا صرحينى

شكلها متغير وعقلو غاب لابسه بس على راسها كاب

فين البنت الى انا حبيتها قلبى اتجرح شوفت العزاب

قالتلو انتا اصلا مش شايفنى انتا يدوب من صوتى تعرفنى

اخلص كنت عايزنى فى ايه قول الى عندك خلينى امشى 

قالها مش مشكله عديها بس المسك لمسه اخيره

عمل نفسه مش واخد بالو وزق الكاب كدا من عليها

الناس فضلت تضحك عليها مفيش رحمه ونفسها كسروها

وهوا فضل مكانو مصدوم وهما فضلو بيعيروها

بعديها عرف قصتها وخد بعضو وعلى بيتها

بس هيا كانت تعبانه مرضها زاد وجات نهايتها

قالها ليه خبيتى عليا انتى حبيبتى ونور عينيا

قالتلو كنت خايفه اظلمك بس اوعى ايدك تسيب ايديا 

وانا من قلبى حبيبتك بجد وطريقنا طلع فى اخرو سد

اصل الموت ده مش ايدى وبجد فعلا حيلى اتهد

بس فى حاجه مفرحانى انى هموت وانتا بين احضانى

وكويس انك انتا بخير خليك فاكرنى اوعاك تنسانى

وقعت ايدو من ايديها والفرحه باينه جوه عينيها

حبيبتو خلاص سابتو وراحت فضل يصرخ يبكى عليها

ليه يا مرض ختها منى دى كانت حبيبتى وشايله عنى

خلاص بعدتى عنى يا غاليه يارب ماليش غيرك صبرنى

عايش ياما حافظ صورتها جوه قلبى حافر وحطتها

بصرخ تملى على قبرها عايز حبيبتى الى انا حبيتها

ابو الشوق