اغنية كوكب تاني اسماعيل تمر|كلمات كوكب تاني مكتوبة
كلمات كوكب تاني
اي مو ضروري اي كلمة مني لازم تعجبك
انت يلي بتعرف واجبك وانا مهمتي انصحك
اسمعك افهمك لحن كلامي يسلطنك
فن الراب مسكني فما بهمني مسكنك
اااه
في MC زيادة ما منهن افادة
لكن في MC بتتعلم منهن القيادة
في ناس بتحترم فنها و ناس التفاهة بدمها
و ناس كلما ترفعها بترجع الأرض بتلمها
و في قسم متل الأفاعي ناطرة تلدغك بسمها
و في بشر وقت المصالح مستعدة تبيع امها
ما علينا هاهاع
ما كلشي صاير من صنع أيدينا وصلنا للقمة ردينا
من القمة هوينا تربطت أيدينا
ماعاد شفنا تعتمت عينينا
اتفككت اخوتنا
أقرب الناس بيحكي علينا
عم نرمم الجرح يلي نحن عم نصنعو
ويلي بدو يلاقي حل لقصتنا عم نمنعو
و يلي بدو ينصح فينا منحاول ما نسمعو
و يلي مفكر حالو صح و كل العالم معو
و يلي مهاجر و يأسان من أمة الظلم
و يلي ناطر و متعتر ناطر لحظة السلم
بتحس كأنو كلو مفكر هي الدنيا ما بتسعنا
بدو دنيا على قياسو كل حكيو مالو معنى
كلو عم بدور على قطعة أرض مافيها صوت
أوو
على كوكب تاني خالي من القتل و الموت
بعروبتنا كفرنا فتنا بالجوع انطمرنا
بين دولارك و عملتنا كان الشيطان ثالثنا
ااااه
فوبيا المجاعة سيطرت على العرب
اتأخرنا بالفيقة فلاقينا يلي ضرب هرب
صاار
بدها معجزة لتقلب الميزان
حتى الضمير يصحى و يعرف قيمة الإنسان
حتى الحجارة تلين و الفجر يطلع على الأمة
و يصيروا شباب اليوم عزم و اصرار و همة
قبل ما تنقد لا تهدم
حاول انقد لتبني
ما في انسان كامل احكي قدامي و انصحني
هيك بتبني أمة صالحة لسا مالها ملوثة
بكل بيت بهي الأمة رح تلاقي مدرسة
بتعلمنا القيم و المسؤولية و الرجولة
و بتخلينا نوقف على رجلينا يلي صارت مشلولة
بتفتح بوقتا كل البواب المقفولة
حاول دايما حس بغيرك هي القصة بكل سهولة
اه اه اه
الحب ابو تيم
ردحذف